Украина халқ депутати Надежда Савченко, Олий рададаги илк чиқишида, ҳамкасбларини ўтган йиллар мобайнида ҳалок бўлган ва асирликда сақланаётган ватан ҳимоячиларини унутмасликка чақирди. 

"Ҳеч ким унутилмаган, ҳеч нарса унутилмайди", -деган Савченко парламент минбаридан. 

У депутатларга мамлакат фуқаролари олдидаги мажбуриятларини ёдга солди: "Биз Украина халқи ишончини қозона олмасак, улар бу курсиларда ўтиришга имкон бермайди".

Савченко ўз чиқишини Украина давлат мадҳиясини куйлаш билан якунлаган. Унга бошқа халқ депутатлари ҳам жўр бўлишган. 

Савченко парламент мажлислар залига чап елкасига Украина миллий байроғини қўйиб, қўлида қрим-татар байроғини олиб кирган.