Ҳиндистоннинг Нью-Дели шаҳрида яшовчи Ҳар Паркаш Риши ўз оғзига бир вақтнинг ўзида 500та сомонча (идишдан суюқлик ичиш учун мўлжалланган, сомончага ўхшаш буюм) ва 50дан ортиқ ёнаётган шамни сиғдириб, жаҳон рекордини ўрнатди. Бу ҳақда The Huffington Post нашрида ёзилган.

Бунга эришиш учун ҳиндистонлик қария оғзидаги барча тишларини олдириб ташлаган.

74 ёшли Ришининг ютуғи Гиннеснинг Рекордлар китоби вакиллари томонидан қайд этилган.

Шунингдек, у баданига турли давлат байроқлари кўринишидаги 366та татуировка тушириб, яна бир рекорд қайд этган. Бу маълумот ташкилот сайтида келтирилган.

Бундан ташқари, эркак Гиннеснинг Рекордлар китобига киритилган яна 20дан ортиқ натижалар муаллифи ҳисобланади. Риши илк марта 1990 йилда ташкилот эътиборига тушганди. Ўшанда у дўстлари билан скутерларда 1001 соат давомида узлуксиз учган эди.

The Huffington Post нашрида қайд этилишича, у ўзини Гиннесс Риши деб атамоқда.

Энди рекордчи танасига дунё етакчилари портретларини максимал миқдорда чиздириш орқали, навбатдаги рекордини ўрнатишни ният қилган.