Ўзбекистон терма жамоаси 2 июнь куни ФИФА кунидан фойдаланиб, ўртоқлик учрашуви ташкил қилади.

Аввалига шу кунга Қирғизистон, кейинроқ Экватор Гвинеяси билан белгиланган ўртоқлик учрашувлари бекор қилингач, ЎФФнинг Терма жамоалар маркази шу куни терма жамоани ички чемпионатдаги легионер футболчиларга қарши ўйнатишга қарор қилган.

Сhampionat.asia сайти маълумотига кўра, ФИФА кунида миллий терма жамоа Ўзбекистон чемпионатида тўп тепувчи хорижлик футболчиларга, яъни легионерларга қарши майдонга тушади.

"Ўзбекистон терма жамоаси 2 июнь куни бошқа рақиб билан ўйнаши маълум бўлди. Ушбу ФИФА кунида миллий жамоамиз Ўзбекистон чемпионатида тўп тепувчи легионерларга қарши майдонга тушади, аммо дарвозани ким эгаллаши ҳозирча номаълум. Чунки жорий мавсумдан бошлаб миллий чемпионатимизда чет эллик посбонлар дарвозани қўриқламаслиги ҳақида регламентга ўзгартириш киритилган эди", дейилади хабарда.