Гренландиянинг балиқчилик, ов ва қишлоқ хўжалиги вазири Карл-Кристиан Крузе ўғлини ов қилишга ўргатмоқчилиги сабабли ўз лавозимини тарк этишини маълум қилди, деб хабар бермоқда Arctic Journal.

"Менинг ўғлим овчи бўлмоқчи, мен унинг ёнида бўлсам у яхши овчи бўла олади", деб айтди вазир миллий парламентдаги чиқишида.

Маълум қилинишича, Круз ўз лавозимини 2014 йилдан бери эгаллаб келаётган эди.

Вазир одатда фарзандларнинг тарбияси билан аёллар шуғулланишини, бироқ у бу ишни ўз қўлларига олишга қарор қилгани ва халқ уни тўғри тушунишига умид қилишини айтди.

Гренландияда тюлень, морж ва оқ айиқларга ов қилиш анъанавий касб-кор ҳисобланади.