Кобул Россияда мева ва сабзавотлар экспортини йўлга қўймоқчи, хусусан, бу ўринда гап қовун, олма ва бодринг экспорти ҳақида кетиши мумкин. Афғонистон Савдо-саноат палатасининг биринчи вице-президенти Алоказай Ханчжон бу ҳақда маълум қилди. 

"Афғонистон 1 миллион тоннадан ортиқ мева етиштиради: бу асосан олма, қовун, анор мевалари. Шунингдек, биз бодринг етиштирмоқдамиз. Туркияга нисбатан озиқ-овқат эмбаргоси киритилганидан кейин биз мева-сабзавот экспортининг бир қисмини тўлдиришимиз мумкин. Бизнинг тадбиркорларимиз бунга тайёр", - деди Ханчжон Россия-Афғон форумида иштироки чоғида. 

"Биз бу борада икки томонлама меморандумни имзоладик, энди шу йўналишда фаолият кўрсатамиз. Буни шахсан Афғонистон президентининг истаги", - дея қўшимча қилди у.

Ўз ўрнида Россия Федерацияси савдо-саноат палатаси вице-президенти Владимир Падалконинг таъкидлашича, Россия томони Афғонистоннинг мева ва сабзавотлар экспортига доир "ҳар бир таклифини ўрганиб чиқади" ва унинг йўлга қўйилиши учун барча шароитларни яратади.