АҚШнинг Орегон штатидаги Мосьер шаҳри яқинида темир йўл изларидан камида 8 та нефть ортилган цистерна чиқиб кетди, деб хабар бермоқда KATU2 телеканали. 

Union Pacific поезди билан содир бўлган нохуш воқеа йўлларнинг беркитилиши ва қўшни шаҳардан ўқувчиларнинг эвакуация қилинишига сабаб бўлди. Воқеа Колумбия дарёси яқинида юз берган. 

Поезднинг излардан чиқиши сабаби аниқланмоқда, воқеа жойига шошилинч хизматлар юборилган.