4 iyun kuni Shimoliy Irlandiya terma jamoasi o‘rtoqlik o‘yinida Slovakiya bilan 0:0 hisobida durang o‘ynadi.
Natijada Maykl O’Nil shogirdlarining mag‘lubiyatsiz seriyasi 12ta o‘yinni tashkil qilmoqda.
Bu esa Yevro-2016 turnirida ishtirok etadigan terma jamoalar orasidagi eng yaxshi natija hisoblanadi.
Shimoliy Irlandiya so‘nggi marta 2015 yilning mart oyida, o‘rtoqlik o‘yinida Shotlandiya termasidan 0:1 hisobida mag‘lub bo‘lgan.
Yevro-2016 guruh o‘yinlarida shimoliy irlandiyaliklarga Polsha, Ukraina va Germaniya terma jamoalari raqib bo‘ladi.