McKinsey халқаро консалтинг компанияси ўттиз йилча аввал McKinsey Investment Office Partners (MIO Partners) махфий инвестицион бўлимини тузган, унинг фаолияти ҳақида яқин вақтгача жуда кам маълумот бўлган, деб ёзади  Financial Times. 

Манбанинг маълум қилишича, McKinsey'нинг ҳозирги 12 ва аввалги ҳамкорларидан MIO Partners кенгаш назорати остидадир, у 5 миллиард активга эга. 9 мингдан ортиқ маслаҳатчилар фаолият кўрсатадиган сирли фонднинг мижозлари - энергетик, инвестицион-банк компаниялари, шунингдек хусусий инвестицион бўлимлар. 

MIO Partners ўз фаолияти давомида мижозларини бир неча юз миллион доллар даромад билан таъминлаган. 

"MIO мустақил бошқарилади ва унинг фаолияти McKinsey'нинг консалтинг операцияларидан йироқ", - дея маълум қилишди компанияда. 

Фонд ишчи персонал ва бошқарувдаги активлар нуқтаи назаридан йирик хеж-фондлар билан рақобатлашади. 2014 йилда махфий бўлим McKinsey ҳамкорларини 14 фоиз даромад билан таъминлаган, ўша пайтдаги хеж-фондларнинг ўртача даромади эса 3 фоиздан иборат бўлган.