Gazzetta dello Sport, beIN Sports ва CNN мухбири ҳисобланадиган Танкреди Палмерининг хабар беришича, швециялик футболчи Златан Ибраҳимович «Манчестер Юнайтед» билан шартнома имзолаган.

Манбанинг маълумотига кўра, бу шартнома 1 йилга мўлжалланган ва унда шартномани автоматик узайтириш бўйича банд йўқ.

Ўз навбатида клубда ҳамкорликни иккинчи йилга ҳам узайтириш бўйича  таклиф бериши мумкинлиги айтилган.

Журналистнинг қўшимча қилишича, Ибраҳимович янги жамоасида 1 йилда 17 млн евро миқдорида маош олади.

Бундан олдинроқ, ушбу футболчи янги жамоаси ҳақида 7 июнь куни эълон қилишини билдирганди.