Машҳур америкалик актриса, "Оскар" мукофоти совриндори Мэрил Стрип Нью-Йоркдаги оммавий театрда драматург Уильям Шекспир шарафига ҳар йили ўтказиладиган байрамда АҚШ президенти лавозимига номзод Дональд Трамп қиёфасида пайдо бўлди.

Актриса юзига Трамп териси рангини эслатувчи тўқ-зарғалдоқ макияж суртилган бўлган. Стрип қизил галстук ва ишбилармонларга хос костюмда ҳамда сохта ясама қорин билан пайдо бўлган.

Мэрил Стрип аёлларга илтифот кўрсатиш ҳақидаги "Brush Up Your Shakespeare" қўшиғини актриса Кристин Барански билан бирга ижро этган.