Португалия терма жамоаси Евро-2016 турнирига тайёргарлик доирасидаги охирги ўртоқлик учрашувини Эстонияга қарши ўтказди. Португаллар ушбу ўйинда рақиб дарвозасига жавобсиз 7та тўп йўллашди.

Ўйинда Криштиану Роналду ва Рикарду Куарежма ўз ҳисобларига иккитадан гол ёзишган бўлса, Перейра ва Эдер рақиб дарвозасини бир мартадан ишғол қилишди. Яна бир голни эстониялик футболчи Карол Метс ўз дарвозаси тўрига киритиб қўйди.

Португалия терма жамоаси Европа чемпионатининг F гуруҳида Исландия, Австрия ва Венгрия жамоаларига қарши баҳс олиб боради.

Ўртоқлик учрашуви
Португалия – Эстония 7:0 (3:0, 4:0)
Голлар: 1:0 – 36 Роналду, 2:0 – 39 Куарежма, 3:0 – 45 Роналду, 4:0 – 55 Данилу Перейра, 5:0 – 61, Метс (автогол), 6:0 – 77 Куарежма, 7:0 – 80 Эдер. 
Португалия – Руй Патрисиу, Пепе (Карвалью, 58), Геррейру, Соареш (Виейринья, 46), Фонте, Моутинью (Саншеш, 58), Данилу Перейра (Вильям Карвалью, 70), Куарежма, Жоау Мариу (Эдер, 59), Андре Гомеш, Роналду (Нани, 46).
Эстония – Лондак, Баранов, Калласте, Метс, Тенисте, Антонов, Дмитриев (Саппинен, 63), Круглов (Марин, 66), Пури (Гусев, 87), Клаван (Раудсепп, 68), Аньер (Васильев, 70).
Огоҳлантириш: Калласте (87).

Манба: Tribuna.uz