КХДР етакчиси Ким Чен Ин 2013 йили ватанга хиёнат қилгани учун қатл этилган поччасини ёдга солиб турган "қишлоқ модели"ни йўқ қилди, деб хабар қилмоқда Sky News телеканали. 

Қайд этилишича, 2012 йили ташкил этилган қишлоқда Пхеньян иншоотларининг митти намуналари бўлган. Ўша лойиҳани эса, Шимолий Корея етакчисининг поччаси бўлган Чан Сон Тхэк бошқарган. 

«Ким ҳар доим, қачонки ушбу қишлоқ моделидан ўтса, Тхэк унинг ёдига келишидан нолиб турарди», — деган вазиятдан хабари бор манба. 

2013 йили декабрь ойида Тхэк ватанга хоинликда айбдор деб топилган ва суд қарорига кўра ўлим жазосига ҳукм этилганди. Ҳукм шу куннинг ўзида ижро этилган.