Moskva Anqara bilan munosabatlarini tiklamoqchi, ammo Vladimir Putin Turkiya tomonidan bir qator harakatlar amalga oshirilmas ekan, buning iloji yo‘qligiga ishora qildi. Bu haqida RF prezidentining matbuot kotibi Dmitriy Peskov ma'lum qildi.
14 iyunda Kremlda Turkiya prezidenti Tayip Erdo‘g‘an TIV kanali orqali Putinga xat yo‘llaganligi xabar qilindi, unda Erdo‘g‘an rossiyaliklarni Rossiya kuni bilan tabriklab, Moskva va Anqara o‘rtasidagi munosabatlar "munosib daraja"ga chiqishini tiladi.
"Shubhasiz, biz munosabatlarimizni me'yorlashtirishni istaymiz hamda o‘zaro manffatli bo‘lgan avvalgi hamkorlik davrimizni qaytarish tarafdorimiz. Biroq prezident Putin bo‘lib o‘tgan voqealardan keyin, Anqara qo‘yilgan talablarni bajaramas ekan, Rossiya uchun munosabatlarni me'yorlashtirishning imkoni yo‘qligini aytdi", - dedi Peskov jurnalistlarga.
"Biz bu haqida bir necha marta aytganmiz, afsuski, ikki davlat aloqalarining boy tajribasi Turkiya tomonidan bir lahzada yo‘qqa chiqarildi", - dedi u.
Shuningdek Peskov Erdo‘g‘anning xati shunchaki milliy kun munosabati bilan yo‘llangan rasmiy tabrik xati ekani hamda unda tabrikdan boshqa mazmundagi gaplar yo‘qligini ma'lum qildi. "Bunday an'anaviy xatlar javob talab qilmaydi", - dedi u.