Американинг Флорида штати Орландо шаҳрида даҳшатли воқеа содир бўлди. Диснейленд боғи яқинидаги Grand Floridian Resort & Spa меҳмонхонаси яқинида тимсоҳ ёш болани сувга тортиб кетган, деб хабар қилмоқда TMZ. Айни вақтда, маҳаллий полиция ходимлари 2 ёшли болани қидириш ишларини олиб бормоқда. 

Шериф вакили Роза Сильванинг айтишича, ваҳший ҳайвон болани боғнинг — «Етти денгиз кўли» аттракциони яқинида сувга остига тортиб кетган.

Мутахассислар ҳодиса жойини ўраб олган, болани қидириш ишлари давом этмоқда. Соҳилбўйида тез ёрдам машиналари навбатчилик қилмоқда.