Тулада ўз чақалоғини бўғиб ўлдирган ўзбекистонлик аёл 11 йилга озодликдан маҳрум қилинди

Жамият 15 Июнь 2016 28411

Тула суди ўз чақалоғини бўғиб ўлдирган Ўзбекистон фуқаросини умумий тартиб ўташ калониясида 11 йилга озодликдан маҳрум қилди. Россия Федерациясининг Тергов қўмитаси матбуот хизматида хабар қилинишича, аёл фарзандини боқа олмаслиги учун бу қилмишни амалга оширишни мақсад қилган.

"Суд қарорига кўра аёл умумий тартиб колониясида жазо ўташ шарти билан 11 йилга озодликдан маҳрум этилган", - дейилади матбуот хизматида.

Тергов маълумотларига кўра, 2015 йил 20 август куни Туладаги туғруқхонадан жавоб олган аёл янги туғилган қизи билан жамоат транспортида Тула вилоят шифохонасигача бирга боради. У фарзандини боқа олмаслигига кўзи етгач, бекатдан узоқ бўлмаган кимса йўқ ерда чақалоқнинг оғзини қўллари билан беркитади ва қизалоқ нафас олишдан тўхтамагунига қадар ушлаб туради. Янги туғилган гўдакни аёл билан бирга яшайдиган киши мусулмонлар мозорида кўмган. Аёл хонадошига фарзандининг ўлими сабабини ошкор этмайди.

Воқеа ҳамшира чақалоқнинг турар-жойига келганидан сўнг маълум бўлган. Ҳамшира янги туғилган чақалоқни уйдан топа олмагач, ҳуқуқни ҳимоя қилиш органларига хабар беради.

Кўпроқ янгиликлар