Францияда давом этаётган Европа чемпионати гуруҳ босқичининг иккинчи тури ҳам якунланди. Парижда Португалия ҳамда Австрия терма жамоалари муносабатларига ойдинлик киритишди. Ўйин жуда қизиқарли ўтди, лекин унда ҳисоб очилмади. Португалия терма жамоаси сардори Криштиану Роналду 80 дақиқада пенальтидан аниқ фойдалана олмади.

Гуруҳда 4 очко тўплаган Венгрия етакчилик қилмоқда. Исландия эса иккинчи ўринда бормоқда. Охирги турда Португалия Венгрия билан, Австрия эса Исландия билан ўйнайди. Барча масала охирги турда ҳал қилинади.

Португалия – Австрия 0:0
Амалга оширилмаган пенальти: Роналду (80)
Португалия: Руй Патрисиу, Карвалью, Пепе, Геррейру, Виейринья, Моутинью, Вильям Карвалью, Нани (Рафа Силва, 89), Куарежма (Жоау Мариу, 71), Андре Гомеш (Эдер, 83), Роналду.
Австрия: Альмер, Хинтереггер, Предль, Фукс, Алаба (Шопф, 65), Забитцер (Хинтерзеер, 85), Баумгартлингер, Харник, Ильзанкер (Виммер, 87), Арнаутович, Кляйн.
Огоҳлантиришлар: Куарежма (31), Пепе (40), Харник (47), Фукс (60), Хинтереггер (78), Шопф (86).