McLaren kompaniyasi o‘zining poygalardagi hamkori, Britaniyaning Lanzante, atelesi bilan birga P1 GTR poyga supergibridini — oddiy yo‘llarga mo‘ljallangan P1 LM modeliga aylantirdi. U, trek toifasidan aerodinamikasining yaxshilangani, yengilashgani bilan farq qiladi. Bundan tashqari, uning tannarxiga «Maklaren»ning maxsus poyga dasturida ishtirok etish qiymati ham qo‘shilmaydi.
Lanzante muhandislari P1 GTRdan Race Active Chassis Control faol podveskasi, pnevmatik domkratlarni olib tashlab, boltlar va turli mahkamlagichlarni titanlilarga almashtirgan. F1 GTR o‘rindiqlari o‘rnatilgan. Shisha oynalari Lexan polikarbonatiga almashtirilgan. Natijada, mashina 60kgga yengillashib, 1437 kilogrammni tashkil etgan.
Shuningdek, orqa aksilqanot shaklini o‘zgartirilib, oldsplitter kengaytirilgan. Bu, P1 GTRga nisbatan bosish kuchini 40 foizga kuchaytirish imkonini bergan.
P1 LM intereriga P1 GTR kabi to‘liq karbon va alkantara bilan ishlov berilgan. Rul chambaragining markaziy qismi MP4/23 uslubida ishlangan. Priborlar panelidagi rangli ekran saqlab qolingan, old panelga yana bir rangli displey joylangan. Shuningdek, konditsioner ham yoddan ko‘tarilmagan.
1000 ot kuchiga ega, 3,8-litrli juftturbo V8 dvigateli hamda 200-quvvatli elektromotor deyarli o‘zgartirilmagan. Lanzante muhandislari ularning issiqlik izolyatsiyasi va oraliq sovutgichini yaxshilashgan xolos. Model titan va inkoneldan yasalgan tutun chiqarish tizimiga ega bo‘lgan.
P1 LM to‘plamiga, dinamometrik kalit, diagnostika uskunasi, avtomobil chexoli, 1:8 nisbatdagi modeli hamda suratlar kiritilgan. P1 GTR ning yo‘l toifasidan atigi 6 dona ishlab chiqariladi. Undan beshtasi mijozlarga sotiladi, bittasi kompaniya ixtiyorida qoladi. Ayni shunisi, 26 iyun kungi Gudvuddagi Tezlik festivalida qatnashadi.
Foto: motor.ru