АҚШ, Япония, Жанубий Корея ҳарбийлари баллистик ракеталарни эрта аниқлаш кўникмаларини шакллантириш борасида учтомонлама қўшма ўқув машғулотлари ўтказади. Унда, КХДР томонидан эҳтимолий финталарга қарши чоралар шакллантирилади. 

Шу турдаги илк машғулотлар АҚШнинг Ҳавайи оролларида бўлиб ўтади. Ёнхап агентлиги хабарларига кўра, ҳарбий ўқув жараёнида АҚШ, Жанубий Корея  ҳарбий денгиз кучлари ҳамда Япония мудофаа кучлари денгиз қўшинларининг эсминецлари иштирок этади. Уларнинг барчаси Aegis ("Ижис") қуролларни бошқариш тизими билан жиҳозланган. Бундан ташқари, ҳарбий машғулотларда янги авлод айғоқчи учувчисиз самолёти MQ-9 ҳам синовдан ўтказилиши мумкин.