Аргентина парламенти сармояни амнистия қилиш қонунини маъқуллади

Жаҳон 30 Июнь 2016 2327

Аргентина парламентининг юқори палатаси хорижий сармояларни афв этиш бўйича қонун лойиҳасини тасдиқлади. 9 соатлик мунозаралардан сўнг, 56 нафар депутат ташаббусни маъқуллаган бўлса, 11 киши қарши овоз берган, бир киши бетараф қолган. Аввалроқ, ҳужжатни Депутатлар палатаси тасдиқлаган эди. 

Қонун лойиҳасига кўра, аргентиналиклар ўзларининг солиқ декларацияларида қайд этмаган бойлик ва маблағларини, унинг ҳажмидан келиб чиққан ҳолда 0 дан 15 фоизгача жарима тўлаб ёки давлат облигациясини харид қилиб, мамлакатга олиб киришлари мумкин бўлади. Мазкур ташаббус, суд, ижро ва қонунчилик органларининг ходимлари ҳамда уларнинг яқинларига нисбатан жорий этилмайди. 

Янги қонунни мамлакат президенти Маурисио Макри тасдиқлаши кутилмоқда. Амнистия воситасида давлат ғазнасига тушган маблағлар пенсия ва нафақаларни кўтаришга хизмат қилади. 

Аргентина ҳукумати, сармояларни амнистия қилиш билан 20 млрд доллар даромад кўришга умид қилмоқда. 

 

Кўпроқ янгиликлар