Қозоғистон Республикаси президенти Нурсултон Назарбоев, мамлакат Ер кодексининг ер ҳудудини сотиш ва ижарага бериш масалаларига оид айрим моддалари ижросини тўхтатишни назарда тутувчи қонун лойиҳасини имзолади, деб хабар қилган президент матбуот хизмати. 

Ҳужжат, президентнинг 2016 йил 6 майида қабул қилган фармони асосида ишлаб чиқилган. Ўшанда, Назарбоев Ер кодекси меъёрларининг ижросига вақтинча тақиқ жорий этган эди. Давлат раҳбарининг бундай қарорига, маҳаллий аҳолининг норозиликлари сабаб бўлган эди. Улар, қишлоқ хўжалиги экин майдонларини хорижий фуқароларга ижарага бериш муддатини 10 йилдан 25 йилга узайтириш ғоясига қарши чиқишган. Бунинг натижасида, миллий иқтисодиёт вазири ҳамда қишлоқ хўжалиги вазири истеъфога чиққанди. 

Президент имзолаган ҳужжат, Ер кодексининг ерни ижарага беришга оид бандларини 2016-йил 31-декабргача бекор қилади.