«Манчестер Сити» клуби «Сельта»дан Нолитони трансфер қилганини тасдиқлади.

«Шаҳарликлар» клуби расмий сайтида маълум қилинишича, испаниялик 29 ёшли футболчи билан 4 йиллик шартнома имзоланган.

Нолитонинг трансфери қиймати 13,8 млн фунт (16,5 млн евро) бўлди. Айнан шунча миқдор унинг «Сельта» билан шартномасида товон пули сифатида кўрсатилганди.

Футболчи янги жамоасида йилига 4 млн евро маош олади.

Ўтган мавсумда Нолито Испания чемпионатининг 29 ўйинида майдонга тушиб, 12 гол урган ва 7та голли узатма муаллифи бўлган.

Манба: Tribuna.uz