Pekinda Xitoy Kommunistik partiyasining 95 yilligi munosabati bilan majlis boshlandi

Pekin shahridagi Xalq yig‘inlari uyida Xitoy Kommunistik partiyasi tashkil etilganining 95 yilligi munosabati bilan majlis boshlandi.

Xitoyning yuqori martabali rahbarlari Marosim mahalliy telekanallarda va boshqa nashrlarda translyatsiya qilinmoqda. Marosim boshlangani haqida Xitoy bosh vaziri Li Ketsyan e'lon qildi. Majlisda mamlakat rahbari, XXR raisi Si Jinping chiqish qiladi. Uning nutqida asosiy bayonotlar yangrashi kutilmoqda.

Xitoy kommunistik partiyasiga (XPK) 1921 yilning 1 iyulida asos solingan deb hisoblanadi. XPKning I s'yezdi 1921 yilning iyun oyi oxirida va iyul oyining birinchi kunlari davomida Shanxay shahrida bo‘lib o‘tgan. Partiya Xitoyda marksizm-leninizm g‘oyalari tarqalishi va milliy-inqilobiy harakatlar yuzaga kelishi ortidan Komintern ko‘magida tashkil etilgan. Bu kuchlarga Rossiya hududidagi oktabr inqilobi katta ta'sir ko‘rsatgan.

Xitoy kommunistik partiyasi - mamlakatdagi yagona boshqaruv partiyasi hisoblanadi. Bu partiya dunyodagi eng yirik siyosiy tashkilot hamdir. 2015 yil so‘ngidagi ma'lumotlarga ko‘ra, XPK a'zolari soni 88,8 mln kishi.

Xitoy kompartiyasining 100 yilligi nishonlanadigan 2020 yilgacha mamlakatning 2010 yildagi YaIMi va shahar hamda qishloq aholisining daromadlari miqdori 2 barobar oshirish vazifasi qo‘yilgan.