Internet tarmog‘ining xitoy segmentida Xiaomi kompaniyasining birinchi noutbuki bo‘lishi kutilayotgan taxminiy suratlar paydo bo‘ldi. Hozircha asli tasdiqlanmayotgan suratlar techweb.com.cn portalida namoyish qilingan.
Suratdagi qurilma Apple kompaniyasining MacBook'ini eslatadi. Xitoy korporatsiyasi iPhone ishlab chiqaruvchisiga taqlid qilishi bilan mashhur.
Noutbukning texnik xususiyatlari hozircha noma'lum, ammo OAV bozorga ikkita model - 12,5 va 15,6 dyuymli modellar kelib tushishini taxmin qilgan edi. Ulardan biri Windows 10 operatsion tizimi boshqaruvi ostida ishlaydi.
Xiaomi yangi qurilmalarini iyul oyida rasman namoyish qilishi kutilmoqda.
