Интернет тармоғининг хитой сегментида Xiaomi компаниясининг биринчи ноутбуки бўлиши кутилаётган тахминий суратлар пайдо бўлди. Ҳозирча асли тасдиқланмаётган суратлар techweb.com.cn порталида намойиш қилинган. 

Суратдаги қурилма Apple компаниясининг MacBook'ини эслатади. Хитой корпорацияси iPhone ишлаб чиқарувчисига тақлид қилиши билан машҳур. 

Ноутбукнинг техник хусусиятлари ҳозирча номаълум, аммо ОАВ бозорга иккита модель - 12,5 ва 15,6 дюймли моделлар келиб тушишини тахмин қилган эди. Улардан бири Windows 10 операцион тизими бошқаруви остида ишлайди.

Xiaomi янги қурилмаларини июль ойида расман намойиш қилиши кутилмоқда.