Ҳолландиялик дизайнер ажойиб ҳаво тозаловчи минораларни барпо этди

Жамият 02 Июль 2016 7743

Ким ҳам тоза, беғубор ҳаводан нафас олишни истмайди дейсиз, аммо бугунги кунда бу аксар шаҳар ва давлатларнинг муаммосига айланиб улгурган дейиш, муболаға бўлмайди. Берклидаги Калифорния университети олимларининг ўтказган тадқиқот натижаларига кўра, Хитойда кунига заҳарли тутундан 4 минг киши ҳаётдан кўз юмади. АҚШда ҳам бу борада ҳаммаси кўнгилдагидек деб бўлмайди. Мамлакат аҳолисининг қарийб ярми, унчалик қулай бўлмаган шароитларда истиқомат қилади ва ифлос ҳаводан нафас олади. Россия ва Европанинг кўплаб давлатларида ҳам вазият аянчли. Россия шаҳарларининг 50 фоиздан кўпроғида яшовчилар ҳам тоза ҳаво танқислигидан азият чекади. 

Ҳолландиялик дизайнер Даан Роозегарде ишлаб чиққан 7 метрлик ҳаво тозалагич, ифлосланган ҳаводан нафас олувчиларнинг жонига аро кирди, дейиш мумкин. Smog Free Tower - тутундан холи минора, гуёки чангютгич каби ифлос ҳавони тортиб олиб, ёриқлари орасидан тозаланган, фильтрланган ҳавони чиқаради. Минора соатига 30 000 куб метр ҳавони тозалай олади. У бунинг учун 1,5 кВт энергия ишлатади. Эътиборли жиҳати, бу энергияни ҳам қурилманинг ўзи ишлаб чиқади. 

Лойиҳани ҳаётга татбиқ этиш учун 3 йил сарфлаган дизайнер, эндиликда Хитой ҳукумати билан музокаралар олиб бормоқда. У, сўнгги вақтларда заҳарли тутунлардан ифлосланган Хитой шаҳарларида ўз ғоясини амалга оширишни режалаштираяпти. 

Эҳтимол, бу миноралар дастлаб паркларга ўрнатилади. Улар ташқи кўриниши билан ҳам паркка ўзига хос жило бағишлаши шубҳасиз. 

Минорадан чиқариладиган мусбат ионлар ҳаводаги инсон учун зарарли чангларни ўзига бириктириб олади, ифлос ҳаво тортилгач, у минора тагига чўкади. Технология бошқа усулларда фильтрлаш имконини бермайдиган майда зарраларни ҳам тозалай олади. 

Бу каби миноралар амалий фойдадан ташқари хом-ашё ҳам етказиб бера олади. Гап шундаки, минора ичида тўпланган углероднинг майда зарраларидан ўзига хос тақинчоқлар ва тугмалар ишлаб чиқиш мумкин.

Кун янгиликлари
Дайжест: Комиловнинг Сенатдаги чиқиши, GM автомобиллари сотувининг тўхташи, ДТМдаги ўзгариш ва бошқа хабарлар
21:03 / 29.05.2017 18538 Жаҳон
Давлат тест маркази раҳбари ўзгарди
14:00 / 29.05.2017 39264 Ўзбекистон
Юнусободда автоулов ўғриси қўлга олинди
10:10 292 Жамият
"Ўзбекэнерго" ва "Ўзтрансгаз" штати 10 мингдан ортиқ ходимга қисқартирилади
10:05 709 Жамият
Саратон - сўнгги ҳукм эмас! ACIBADEM клиникаларида онкологияни даволашнинг янги усуллари
09:54 565 Lifestyle
Рамазонда шайтонлар занжирбанд қилинса, нега гуноҳ қилишлар тўхтамайди?
09:52 1660 Жамият
Ўзбекистонда биогаз қурилмалари жорий этилади
Драматик финалдан кейин АПЛга чиққан учинчи жамоа номи маълум бўлди
09:45 669 Спорт
Қозоғистонда довул вақтида икки киши ҳалок бўлди
09:44 1064 Жамият
Уй-жой коммунал хизматларнинг ягона биллинг тизими ташкил этилмоқда
Кўпроқ янгиликлар