Ukraina prezidenti Pyotr Poroshenko mamlakat mudofaasi va xavfsizligini ta'minlash maqsadida AQShdan 500 mln dollarlik moliyaviy yordam kutmoqda.
“AQSh ushbu sohalarni mustahkamlash uchun Ukrainaga 335 million dollar miqdorida mablag‘ yo‘naltirgan. Bu qadam AQSh kongressi Ukrainaga qo‘shimcha 500 million dollar ajratishini ko‘rib chiqishi uchun muhim sanaladi. Biz chin dildan hamkorligimizni qo‘shimcha tarzda yanada mustahkam bo‘lishini istaymiz”, - dedi Poroshenko.
AQSh hozircha rasmiy Kiyevga yordam ko‘rsatib kelmoqda, ammo bu yordam qurollar va qurilmalar ko‘rinishida bo‘lmoqda. Bundan tashqari, AQShlik harbiy instruktorlar Ukraina milliy gvardiyasi jangchilarini o‘qitishmoqda.
