Хитой ҳукумати, ижтимоий тармоқлар ва веб-саҳифаларда янгиликлар тарқатилиши устидан назоратни кучайтирмоқда, деб ёзмоқда "Чжунго циннянь бао" газетаси.

ХХР интернет-ахбороти ишлари бўйича Давлат идораси шу ҳақдаги қарорни эълон қилган. Нашрнинг ёзишича, Давлат идораси сайтлардан, "тўғри, кенг ёритилган, холис ва ҳиссиётларга берилмаган" хабарларни тарқатишни талаб қилиб, ижтимоий тармоқлардан олинган ва текшириб кўрилмаган янгиликларни тарқатмасликни тақиқлаган. 

Бундан ташқари, фақатгина миш-мишларга асосланган хабарларни тарқатиш ёхуд "тахмин ва хаёлга берилган ҳолда далилларни ўзгартириш" кескин тақиқланади. 

Июнь ойи охирида мазкур Давлат идораси мобиль иловалар назоратига жиддий тус берилишини эълон қилган эди. 


 

Фото:© EPA/HOW HWEE YOUNG