Xitoyning markaziy va sharqiy mintaqalarida bir haftadan beri davom etgan surunkali yomg‘irlar oqibatida vujudga kelgan suv toshqinlari 181 kishining hayotdan ko‘z yumishi yoki bedarak yo‘qolishiga sabab bo‘lgan, deb xabar qilmoqda Associated Press.
Ma'lumotlarga ko‘ra, Yantszi daryosi sohilida joylashgan, 8 mln kishi istiqomat qiladigan Uxan shahrining o‘ziga bir haftada 57,4 sm yomg‘ir yoqqan.
Uxan shahri rasmiy vakili va davlat OAV 14 kishining halok bo‘lgani va bir kishi bedarak yo‘qolganini ma'lum qilgan. Qariyb 170 ming kishi ko‘chirilgan, 80 ming nafar odam boshpanalarga joylashtirilgan.
Fuqarolik ishlari bo‘yicha milliy vazirlikka ko‘ra, qo‘shni mintaqalarda 181 kishi hayotdan ko‘z yumgan yoxud bedarak yo‘qolgan.
