Kolumbiya tashqi ishlar vaziri Mariya Anxela Olgin, uning mamlakati Venesuela chegarasida gumanitar yo‘lakni kengaytirishga tayyorligi haqida bayonot berdi, deb xabar qilmoqda Globovision.
Ma'lum bo‘lishicha, bunday choralar oziq-ovqat mahsulotlari tanqisligi tufayli Kolumbiya hududida mahsulot xarid qilishni xohlagan venesuelaliklarga nisbatan joriy etilishi mumkin.
«Biz birodar venesuelaliklar ochlik va dori-darmonlardan qiynalishiga yo‘l qo‘ya olmaymiz. Insonparvarlik yo‘lagini kengaytirish lozim bo‘lsa, biz shunday qilamiz»,— degan tashqi ishlar vaziri.
Avvalroq, Kolumbiyaning Kukuta shahrida oziq-ovqat xarid qilishni xohlagan 500 nafar ayol, Venesuela va Kolumbiya chegarasidagi ko‘prikdan o‘tishgan edi.
Teglar: Venesuela, Kolumbiya, ocharchilik, gumanitar yordam