"Барселона" ҳужумчиси Лионель Месси солиқларни яшириш бўйича унга ва отасига қўйилган айблов ҳукми устидан шикоят қилмоқчи, деб хабар бермоқда AFP. Испания суди Месси ва унинг отаси Хорхе Мессини 21 ойга озодликдан маҳрум қилди, бироқ бу ҳукм уларнинг қамоқда ушлаб турилишини назарда тутмайди, чунки Испанияда 2 йилдан камроқ муддатли жазони синаш муддати билан ўташ мумкин. 

Футболчи ва унинг отаси июнда 2007, 2008 ва 2009 йилларда 4,1 млн евро солиқни яшириш айблови бўйича суд олдида жавоб беришди. Гап аргентиналик футболчи унинг имижидан фойдаланиш учун оладиган пуллар ҳақида кетмоқда. 

Аввалроқ Месси отасига ишонгани боис, ҳеч қачон шартномаларни ўрганмаганини айтганди.

Манба: Tribuna.uz