Португалия терма жамоаси бош мураббийи Фернанду Сантуш Европа чемпионати ярим финалида Уэльсга қарши кечган ўйиндан кейинги фикрларини билдириб ўтди. Лиондаги «Стад де Люмьер» стадионида бўлиб ўтган ўйинда портулагияликлар 2:0 ҳисобида ғалаба қозониб, финалга чиқди.

«Мен бу ўйин ўта қийин ўтишини билгандим. Лекин биз ўзимизга ишонгандик. Бильакс, рақибнинг кучсиз жиҳатларидан фойдаланиб қолишни ўйламадик. Уэльс — жуда кучли жамоа. Коулмэнга тан бериш керак — у фантастик иш қилдик. Худди бугун менинг шогирдларим каби. Бизнинг футболчилар Уэльс қаршилигини синдиришга ва ғалаба келтирувчи голлар уришга муваффақ бўлишди.

Бизда ҳар бир ўйин учун алоҳида режалар бўлган. Баъзида ҳимоявий, баъзида ҳужумкор.

Биз Португалия дунёдаги энг кучли жамоа эмаслигини биламиз. Лекин таркибимизда ўйинни ҳал қила оладиган юқори савияли футболчилар бор. Биз шундан фойдаланамиз. Ҳар бир рақибга қарши белгиланган тартибда ўйин кўрсатиш керак. Уэльс аввалги рақибларимиздан буткул бошқача эди. Британларда тезкор футболчилар бўлишади. Бу ўйинда рақиб ҳужумчиларига тўп етказиб берилмаслиги таъминланиши керак эди. Менимча, режа иш берди.

Менда Португалия терма жамоасидаги илк учрашув қайси бўлганди? Ҳа, биз ўшанда «Стад де Франс»да ўйнагандик. Ўшанда йигитларга шундай дегандим: «Биз икки йилдан кейин бу ерга қайтамиз, Евро-2016 финалида ўйнаш учун». Кўплаб ойларни шу мақсадга эришишни кўзлаб ўтказдик. Галдаги вазифамиз — Европанинг энг кучли жамоаси сифатида тан олиниш. Биз финала унда ғолиб бўлиш учун чиқдик, шунчаки ўйинни ўтказиб бериш учун эмас», — дея Сантушнинг сўзларини келтиради «Чемпионат». 

Финалга чиққан Португалия 10 июль куни Германия — Франция жамоалари ўртасидаги иккинчи ярим финал жуфтлиги ғолибига қарши майдонга чиқади.

Манба: Tribuna.uz