Хитойлик мутахассислар "Тяньгун-2" коинот лабораторияси модулини парвоз майдончасига етказдилар, деб хабар бермоқда "Синьхуа" ахборот агентлиги. Қурилма учирилгандан кейин Хитойнинг иккинчи орбитал станциясига айланиши керак.  

Лаборатория Пекиндан Цзюцюань космодромига темир йўл орқали етказилди, энди уни йиғиш ва синовдан ўтказиш керак бўлади.

Парвоз сентябрь ўртасига мўлжалланган. Шундан кейин станцияга "Шэньчжоу-11" бошқарилувчи кемаси учирилади. 

Аввалроқ аввалги "Тяньгун-1" орбитал станцияси секин-аста орбитадан чиқиб кетаётгани маълум қилинганди. Станция 2011 йилда учирилган ва икки йил ичида иккита экипажни қабул қилган, шундан кейин пассив режимга ўтказилган.