Ярим асрдан сўнг Clip-Air самолёт-поездлари йўловчиларга хизмат кўрсатади

Технология 12 Июль 2016 18147
Фото:hi-news.ru

Бир вақтнинг ўзида ҳам самолёт, ҳам поезд бўлган қурилмани кўз олдингизга келтириб кўринг! Учта "вагон"-салон транспорт воситасининг авиацион қисмига бириктирилган, лекин уни керак пайтда ундан ажратиш ҳамда темирйўл вагонлари сифатида ишлатиш мумкин. Агар шундай мўъжизавий транспорт тури яратилса, йўловчилар аэропортдан шаҳаргача юришларига ҳожат қолмайди, ажойиб транспорт тури уларни манзилларига элтиб қўяди. 2015 йилнинг баҳорида япон поезди тезликнинг ўта юқори даражасини намойиш этиб, рекорд натижани қайд этган ва ерда ҳаракатланувчи замонавий транспорт турларининг нақадар тезкорлигини кўрсатган. 

Ярим асрдан сўнг пайдо бўлиш эҳтимоли бўлган бундай мисли кўрилмаган транспорт тури ҳақида theverge.com ресурсида мақола чоп этилди. 

Clip-Air номи остидаги бундай янги лойиҳа швейцариялик тадқиқотчилар консорциуми томонидан тақдим этилди. Clip-Air аслида 4 қисмдан иборат модуль самолёти ҳисобланади. Улардан учтаси сайёҳларни ташувчи салон ёки юк ва ёнилғилар ташиладиган капсула бўлиши кутилмоқда.

Транспорт воситасининг тўртинчи қисмини кабина ва двигателдан иборат самолётнинг ўзи ташкил қилади. Бу самолёт кўринишидан жуда салобатли бўлиши аниқ. Капсулаларни самолётдан ажратиб, саёҳатни темирйўл бўйлаб давом эттириш мумкин. 

Ишлаб чиқарувчининг сайтида бундай транспорт турини 40 ёки 50 йил ўтибгина йўлга қўйишни бошлаш мумкинлиги таъкидланган. 

Бу ерда гап транспорт турларини такомиллаштиришда мавжуд технологиялардан фойдаланишга янгича қараш имконини берувчи фикрлаш кўламини кенгайтирадиган тадқиқот лойиҳаси ҳақида бормоқда.

Консорциум яқин 5 ёки 10 йил ичида хусусий самолёт ҳажмидаги прототипни ишлаб чиқаришни режалаштирмоқда. 10-15 йилдан сўнг 150 нафар йўловчига мўлжалланган ўрта ҳажмдаги прототип пайдо бўлиши эҳтимолдан холи эмас. Уч капсулали транспорт воситасини яратишга тахминан 50 йил керак бўлади. 

Кўриб турганингиздек, атрофимиздаги ҳамма нарса такомиллашиб бормоқда - фақат смартфон ва планшетларгина эмас, балки транспорт воситалари ҳам тараққиётга қараб олға илдамламоқда - ҳайдовчисиз автобус ва машиналар, самолёт-поездлар шулар жумласидандир. Бу кетишда оддий ошхона ҳам ақлли бўлиб кетса ажаб эмас!

 

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 8285 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 8992 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9785 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 34949 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51612 Жамият
ОАВ: АҚШ Хитой фирмаларининг активларини музлатиб қўймоқда
12:24 10 Жаҳон
Ҳиндистон Олий суди мусулмон эркакларнинг «талоқ» сўзидан фойдаланишига вақтинчалик тақиқ қўйди
12:13 236 Жамият
Остона жараёни доирасидаги Сурия бўйича янги учрашув Остонада ўтказилмайди
12:10 182 Жаҳон
Тошкент вилояти аграрчилари қишлоқ хўжалиги техникаси билан таъминланади
Ўзбекистонлик йигит АҚШдаги фильмлар танловида ғолиб бўлди
Кўпроқ янгиликлар