Италия жанубида икки йўловчи поездининг тўқнашиши оқибатида 27 киши ҳалок бўлди, 50 киши жароҳат олди. Бу ҳақда La Repubblica нашри хабар бермоқда.  

Икки поезднинг пешонама-пешона тўқнашуви 12 июлда эрталаб Апулия вилоятининг қишлоқ ҳудудида юз берган.

Авария сабаблари тергов қилинмоқда, мутахассислар поездлардан бирининг "қора қутисини" олишга муваффақ бўлишган. Таъкидланишича, поездлар нисбатан яқинда – 2005 ва 2009 йилда ишлаб чиқарилган бўлган.

Аввалроқ ОАВда поездлардан бирининг машинисти тирик қолгани, бироқ аҳволи оғирлиги маълум қилинганди.