Россия мудофаа вазирлигининг маълумотларига кўра, Россия ҳарбий ҳаво-космик кучларининг 6та Ту-22м3 бомбардимончи самолётлари ИШИДнинг Суриядаги марраларига иккинчи ҳаво зарбалари берган, деб хабар қилмоқда РИА «Новости».

«14 июль куни 6та бомбардимончи самолёт Россиядаги аэродромлардан ҳавога кўтарилиб, ИШИДнинг Пальмира, Эс-Сухне, Аракдаги марраларига ва Хомс вилоятидаги нефть қуйиш станциясига зарбалар берган», — дейилади хабарда. 

Мудофаа вазирлигида айтишларича, Россия самолётлари террорчи гуруҳнинг бошқарув пункти ва дала лагерини йўқ қилган.