Санкт-Петербург шаҳри маъмурияти «Крестовский» стадиони қурилиши билан шуғулланувчи бош пудратчи бўлган «Инжтрансстрой-Спб» компанияси билан ҳамкорликни бекор қилмоқчи.

Қурилиш бўйича қўмита вакили давлат шартномасининг бекор қилинишига тайёргарлик кўрилаётганини билдирди.

«Вазият бундай: улар вазифани бажаришда бир қатор нуқсонларга йўл қўйишган.

Агар камчиликлар бартараф этилса – яхши, агар бундай бўлмаса – давлат шартномаси бекор қилиниши белгиланганди.

Биздаги маълумотларган кўра, шартнома бекор қилинишига тайёргарлик кўрилмоқда.

Агар шартнома бекор қилинса, стадион қурилиши қачон якунланишини олдиндан айтиб бўлмайди. Шаҳар маъмурияти пудратчини алмаштиришни истамоқда», – дея вазият билан таниш бўлган манбанинг сўзларини келтиради «Р-Спорт».

Бугун «Инжтрансстрой» шаҳар маъмуриятини танқид қилиб очиқ хат билан чиққанди.

Стадионнинг қурилиш ишлари якунланиши 2016 йилнинг декабрига мўлжалланганди. 

«Крестовский» номли бу стадион 2017 йили Конфедерациялар Кубоги ва 2018 йилги Жаҳон чемпионати ўйинларини қабул қилиши керак.

Бундан олдинроқ маошлари тўланмаётгани учун стадиони қурувчилари иш ташлаш ўтказгани хабар қилинганди.

Кўп ўтмасдан «Инжтрансстрой-Спб»  объектни рейдерлар эгаллаб олишга урингани ҳақида даъво билан чиқди.