Ниццадаги теракт қурбонлари орасида камида 10 нафар бола ҳалок бўлди. Бу ҳақида The Telegraph хабар берди. Маҳаллий ҳукумат вакилларининг берган маълумотларига кўра, теракт натижасида жабрланганларнинг 18 нафари шифохоналарнинг жонлантириш бўлимида ҳаёт билан курашмоқда. 
Манбанинг хабар қилишича, мансабдор шахслар ҳалок бўлганларнинг сони ўсишидан хавотирда. 
Ниццадаги терактдан сўнг Францияда уч кунлик мотам эълон қилинди. 

14 июлда Франциянинг миллий байрами сифатида нишонланадиган Бастилиянинг олиниши куни мамлакат тарихида энг мусибатли кунлардан бири сифатида эсда қолса керак. Шу куни Ниццада юк машинаси кўчада байрамни нишонлаш учун тўпланган одамларнинг устидан босиб кетган. Оқибатда камида 84 киши ҳаётдан кўз юмган, 120 дан кўпроқ одам жароҳат олган.