Халқаро Валюта Жамғармаси "G-20" мамлакатларини, иқтисодиётда кучайиб бораётган сиёсий хавфларга қарши курашиш мақсадида глобаллашув жараёнига туртки беришга чақиради, дейилади Жамғарманинг 23-24 июль кунлари Хитойда бўлиб ўтадиган  "G-20" молия вазирларининг анжуманига тайёрлаган ҳужжатида. 

"Сиёсий хавф-хатарларнинг тобора ортаётгани боис, сиёсатчилар кўптомонлама муносабатлар ва глобаллашув руҳиятини тиклаши ва унинг ижобий жиҳатларини кўпайтириши лозим", — дейилади ҳужжатда. 

"Иш ўринларининг қисқариши ёки йўқолишига жиддий эътибор қаратиш керак. Салбий қарашдаги аҳоли қатламлари орасида глобаллашув жараёнига оид ижобий фикрларни уйғотишга ҳаракат қилиш мақсадга мувофиқ. Бу эса, молиявий захираларни ишга солишни талаб этади", — деб қайд этган жамғарма. 

Аммо, ХВЖнинг таъкидлашича, айнан сиёсий бўлмаган сабаблар иқтисодиёт учун жуда хатарли ҳисобланади. Булар, терроризм, Шарқий ва Жанубий Африкадаги қурғоқчилик каби табиий офатлар ҳамда янги касалликлардир.