Халқаро Валюта Жамғармаси Қирғизистон ва Арманистон фуқароларининг Россияга кўчиши кучайишини башорат қилмоқда. РИА «Новости»нинг хабар қилишича, ЕвроОсиё иқтисодий иттифоқига аъзо давлатлар фуқароларининг Россияга кириши енгиллашуви ортидан, ташкилотга аъзо давлатлар Арманистон ва Қирғизистон фуқаролари ҳам Россияда махсус рухсатномасиз ишлаш ҳуқуқига эга бўлишган. Бундан аввал, Қозоғистон ва Белоруссия фуқаролари шундай имтиёзга эга эди. 
 
Бугунги кунда, Россияда расман 8,5 миллионга яқин муҳожир бўлиб, уларнинг 1/3 қисми украинлар, 21 фоизи Ўзбекистон фуқаролари, 10 фоизи Тожикистон ва МДҲнинг бошқа давлатларидан келганлардир.