Skype сервиси Android ва Windows Phone операцион тизимларининг эски версияларида қўллаб-қувватланишдан маҳрум бўлади. Бу ҳақда сервис блогида маълум қилинди.   

Таъкидланишича, сервис янги "булутли" архитектурага ўтмоқчи ва янги функцияларни жорий қилишга тайёрланмоқда.   

Skype’нинг янги версиясидан Windows Phone 8 ва Android’нинг 4.0.3 версиясидан пастроқ операцион тизимга эга фойдаланувчилар фойдалана олишмайди. Бундан ташқари, блогда сервис Android 4.0.3 ва ундан юқори ҳамда Windows 7 ва iOS 8’дан юқори операцион тизимларда ишлаши айтилмоқда.  

Аввалроқ Microsoft компанияси Skype VoIP-мессенжери орқали узатиш мумкин бўлган файллар ҳажмини 300 Мб гача камайтирганди.