Ҳиндистон ҳукумати Хитойнинг “Синьхуа” ахборот агентлигида ишловчи ва  мамлакатда фаолият юритувчи уч нафар ходимини давлатдан чиқариб юборади. Бу ҳақда Associated Press хабар бермоқда.

Маълум бўлишича, Ҳиндистон ҳукумати ушбу уч нафар журналистнинг визасини узайтирмаган ва ҳолатга ойдинлик киритмаган. Уларнинг ўрнига бошқа журналистлар жўнатишларига рози бўлган.
Хабарга кўра, улар визасини узайтирилмаганининг сабаби, журналистларни Бангалор шаҳрида Тибет фаоллари билан учрашгани бўлиши мумкин. 
Аниқлик киритилишича, журналистлардан бири Ҳиндистонда етти йилдан бери ишлаб келади. Қолганлар эса ўз визаларини бир неча бор узайтиришган.