387 нафар спортчидан иборат Россия терма жамоаси допинг қоидабузарликларига жазо тариқасида Рио-де-Жанейродаги Олимпиадага бормайдиган бўлди, деб ёзмоқда Daily Mail газетаси. 

Нашрнинг вазиятдан хабардор манбаларга иқтибос келтирган ҳолда маълум қилишича, Халқаро Олимпия қўмитаси Россияни "давлат допинг дастури" учун тўлиқ таркибда жазоламоқчи.     

Қўмитадаги манбанинг айтишича, Россия терма жамоасини Жанубий Кореяда бўлиб ўтадиган қишки Олимпиададан ҳам четлаштириш ҳақида ўйланмоқда. ХОҚда "допинг бутун спортга ҳужум" эканлигини кўрсатиб қўйишмоқчи.    

Аввалроқ Россия Олимпия қўмитаси Рио-де-Жанейродаги Олимпиада ташкилий қўмитасига Россия терма жамоасининг тўлиқ таркибини тасдиқлатгани юборгани маълум қилинганди.  

24 июлда ХОҚ ижроия қўмитаси Россия терма жамоасининг Олимпиадада иштироки бўйича қарор қабул қилади.