Illyustrativ surat / liveinternet.ru
Pekin shahri chetidagi hayvonot bog‘ida Sibir yo‘lbarslaridan biri tashrif buyurganlardan biriga tashlandi. Oqibatda bir ayol halok bo‘ldi, ikkinchisi yaralandi. Bu haqda "Fachji vanbao" gazetasi yozmoqda.
Voqea 23 iyul kunduzi sodir bo‘ldi. Ayollar xavfsizlik qoidalarini buzgan holatda park ichida harakatlanuvchi mashinadan tushishgan. Ayni shu paytda ularga yaqin yurgan Sibir yo‘lbarslari ayollarga tashlangan.
Oqibatda olgan jarohatlari sabab bir ayol voqea joyida vafot etgan. Shundan so‘ng voqea joyiga park xodimlari yetib kelgan va yo‘lbarslarni haydab yuborgan. Ikkinchi ayol shifoxonaga yotqizilgan. Hodisa tafsilotlarini o‘rganish maqsadida ishchi guruh tuzilgan, park ikki kunga yopib qo‘yilgan.
