“Наполи”нинг аргентиналик ҳужумчиси Гонсало Ҳигуаин фаолиятини “Ювентус”да давом эттиради. Бу ҳақда Sky Sport Italia хабар бермоқда.

Маълум қилинишича, трансфер нархи 94 млн еврони ташкил этган. 28 ёшли футболчи билан 2020 йилга қадар шартнома имзоланди ва у йилига 7,5 млн евро маош олади. Шунингдек, футболчининг турин клубида тиббий кўрикдан ўтгани ҳам хабар берилган.

Ҳигуаин “Наполи” сафида 2013 йилдан бери тўп суради. Ўтган мавсум футболчи турли мусобақаларда 42та учрашув ўтказиб, 38та гол уришга муваффақ бўлган.