Жиззах вилоят ҳокимлигининг мажлислар залида “Камолот” ёшлар ижтимоий ҳаракати Жиззах вилоят Кенгашининг навбатдаги VII Конференцияси бўлиб ўтди.

Конференцияда туманлардан ташриф буюрган фаол ва иқтидорли ёшлар ўз кўргазмалари билан иштирок этди.

Конференцияда сўз олган “Камолот” ЙИҲ Марказий Кенгаши раиси ўринбосари Ўткир Шукуров Конференция иштирокчиларини яқинлашиб келаётган энг улуғ , энг азиз байрам – мустақиллигимизнинг 25 йиллик тантанаси билан самимий қутлаб, ўтказилаётган тадбир ва лойиҳаларнинг барчаси ёшларимизнинг порлоқ келажагини, истеъдодини рўёбга чиқариш янада юксалтириш мақсадида амалга оширилаётганлиги, шунга қарамасдан айрим ёшларимизнинг билиб-билмасдан нотўғри йўлларга кириб кетаётганлигини инобатга олган ҳолда олдимизда долзарб вазифалар турганини ва бу борадаги тарғибот-ташвиқот ишларини кучайтириш лозимлигини алоҳида таъкидлаб ўтди.

Конференция кун тартибидаги масалалардан бири, Кенгаш раиси ва ўринбосарлари лавозимига номзодлар ўқиб эшиттирилди.
Ҳаракатнинг Жиззах вилоят Кенгаши раиси  лавозимига вилоят Кенгаши раиси ўринбосари, ҳозирда вилоят Кенгаши раиси вазифасини вақтинча бажарувчи Шукуров Ориф Жумабоевич делегатлар томонидан бир овоздан сайланди.

Шундан сўнг вилоят Кенгаши раиси ўринбосарлари сайлаб олинди. Унга кўра вилоят Кенгаши раиси ўринбосарлигига  ҳозирда ҳаракатнинг Жиззах туман Кенгаши раиси лавозимида фаолият юритиб келаётган Холматов Нуриддин Ибадуллаевич,вилоят Кенгаши раиси ўринбосари, “Камалак” болалар ташкилоти раиси лавозимига эса  ҳозирда ушбу лавозимда фаолият олиб бораётган Қобилов Фахриддин Нуриддинович сайланди.

Конференция сўнгида ҳаракат тизимида фаоллик кўрсатган ёшларга диплом, фахрий ёрлиқ ва эсдалик совғлари топширилди.