Журналистларни ҳимоя қилиш қўмитаси (CPJ) ноҳуқумат ташкилоти БМТ қошида маслаҳатчи мақомини олишга муваффақ бўлди, дейилади ташкилот сайтида. 

Аниқлик киритилишича, БМТнинг Иқтисодий ва ижтимоий кенгашининг сессияси чоғида шундай қарор қабул қилинган. 

Қўмитанинг ижрочи директори Жоэл Саймоннинг қайд этишича, CPJ ташкилотининг БМТда рўйхатдан ўтишда қаршиликка дуч келгани халқаро ҳамжамият ташвишини уйғотиши лозим. 

Май ойи охирида, айни масалага оид овоз бериш чоғида, БМТ ноҳукумат ташкилотлари бўйича қўмитаси, CPJ га маслаҳатчи мақомини беришга қарши чиққан эди.