Лондонда йўқолган Мун Юнит лақабли мушук 8 йилдан кейин Парижда топилди, деб хабар бермоқда Evening Standard.

Марна Гиллиган ва Шон Пурди мушукни 10 йил аввал боқа бошлашган ва уни мусиқачи Франк Заппанинг қизи шарафига номлашган. Ўшанда мушук 5 ойлик бўлган. 2008 йилдаги янги йил кечасидан кейин мушук йўқолиб қолган. 

Гиллиган ва Пурди мушукни анча қидиришган, бироқ бундан фойда бўлмаган. Улар мушук топилгани ҳақида электрон мактуб олишганда бошида ишонишмаган. "Биз мушук у бўлиши мумкин эмас деб ўйладик", деб айтмоқда Гиллиган.

Мушукни Париждаги приют боқиб олган, унинг эгалари эса микрочип орқали аниқланган. Ҳозирда ажрашиб кетган Гиллиган ва Пурди Парижга ўзларининг севимли жонзотлари ёнига боришган. Аёлнинг айтишича, мушук ҳеч ҳам ўзгармаган, фақатгина хушфеълроқ бўлиб қолган. Шунингдек, у барча тишларидан маҳрум бўлган. Гиллиган Мун Юнитнинг болаларидан бирини ўзига қолдиргани сабабли, мушук Пурди билан яшайдиган бўлди.