АҚШ президенти Барак Обаманинг ишонишича, собиқ давлат котиби Ҳиллари Клинтон келажакда унинг ўрнини эгаллайди. Унинг фикрича Дональд Трамп бу лавозимни эгаллашга муносиб эмас.

У бу ҳақидаги фикрларини Демократлар партиясининг Филадельфияда ўтказилган съездида айтиб ўтган.

"Агар сиз Овал хонада ўтирсангиз, ана шунда глобал инқирозларни тартибга солиш ва ёшларни урушга жўнатиш нима эканлигини тушуниб етасиз, - деди демократ Обама. – Аммо Ҳиллар у ерда бўлган ва музокараларда иштирок этган".

"У инқирозларнинг айни кучайган пайтида ҳам ўзгалар фикрини эшитган, хотиржамлик сақлаган ва бошқаларга нисбатан ҳурматда бўлган. Унинг рақиблари қанчалик кучли бўлмасин, у ҳеч қачон таслим бўлмайди", - деди Америка раҳбари.