Россия президенти Владимир Путин матбуот котиби Дмитрий Песков Россиядаги ҳудудларга махсус кучларнинг собиқ ходимлари қаторидан бўлган шахсларнинг тайинланиши Путиннинг шахсий қарори эканлигини айтди. Бу ҳақда РИА “Новости” ахборот агентлиги хабар бермоқда. 

Песковнинг айтишича, бу одамлар ҳудудларни янада ривожлантириш учун салоҳиятга эга.

"Бу айнан давлат раҳбарининг шахсий қарори. У шу тариқа ўзининг ишончини билдирди ва унинг фикрича, айнан шу одамлар бу ҳудудларни ривожлантиришни давом эттиришга зарур салоҳиятга эгалар", деб айтди Песков.   

Песков шунингдек бу одамлар катта бошқарувчилик тажрибасига эга эканликларини таъкидлаб ўтди.