Ҳиндистонда мамлакатда машҳур бўлган Жай номли йўлбарсни қидириш ишлари оммавий тарзда олиб борилмоқда. Бу ҳақда Sky News хабар берган.

Йиртқични уч ойдан бери кўришмаган.

Жай ушбу номни 1975 йили катта экранларга чиққан ва бош ролни Амитабх Баччан ижро этган “Қасос ва қонун” фильмидаги бош қаҳрамондан олган. Йўлбарс уч йил олдин қишлоқларга, дарёларга ҳамда автомагистралларга жуфт қидириб қилган саёҳатлари орқали машҳур бўлган эди. 

Етти яшар йиртқични сўнгги бор 2016 йилнинг 18 апрель куни Гагпур округида кўришган. Бундан ташқари, Жайга қўйилган электр бўйинбоғ ишламай қолган. Махараштра штати мутахассислари йўлбарсга нима бўлганини билишмаяпти.

Йўлбарсни топганларга 50 минг рупий (750 доллар) миқдорида мукофот пули ваъда қилинган.