АҚШ президенти лавозимига номзод Хиллари Клинтон демократлар миллий қўмитаси компьютер тармоғининг бузиб кирилишида Россия махсус хизматларини айблади, деб хабар бермоқда Reuters ахборот агентлиги. 

У бу ҳақда Fox News Sunday каналига берган интервьюсида айтди. 

Клинтон, шунингдек, рақиби Дональд Трампни Россия президенти Владимир Путинга қўллаб-қувватлов билдиришда айблади.

"Биз Россия махсус хизматлари демократлар миллий қўмитаси компьютер тармоғини бузиб кирганини ва бу мактублардан кўпининг чоп этилиши имкониятини таъминлаганларини биламиз", деб айтди Клинтон.

Аввалроқ Клинтон штабида демократлар компьютер сервери бузиб кирилгани ҳолати тасдиқланганди.

WikiLeaks сайти демократларнинг АҚШ президенти лавозимига номзод Берни Сандерсга салбий муносабати сабабли танқид қилинишига олиб келган электрон ёзишмаларини чоп этганди. ОАВ Россия махсус хизматлари билан ишловчи хакерлар бу бузиб кирилишга алоқадор бўлишлари мумкинлигини маълум қилганди. Кремлда бу хабарлар беъмани деб аталган.